FWTFWT

轉貼：入門前后

好榮幸亦都好開心鐘於入咗門了，由我身邊一位高中同學了解到茅山。本來以為渠喺搞D咩養鬼仔搞佛牌個D，我當然唔想養，因為我超信佛，觀音個D嘢，唔知點解會咁，好似成個家族我比較了解，我啊媽仲話我咁後生搞識埋曬D咁嘅嘢，其實呢D只不過喺自己嘅一個宗教信仰嚟嘅姐，都喺導人向善的。

從渠口中得知法旺堂喺正神，類似怪談個D，但又唔喺做大戲。我開始有D興趣同好奇想去了解下。而且我同學同我講，如果比“嘢”跟，上到去喺會唔舒服同脾性有變，我就更加想上館個度睇下，因為我想知自己喺咪比D唔幹淨嘅嘢跟。（事關，持續半年，幾乎晚晚都發夢，夢到死人，夢到孤魂野鬼，夢到自己自殺，夢到打仗死咗好多人，都喺D唔老泥嘅嘢，成日精神唔夠，好漂忽，行路挪嘢，挪少少嘢都可以挪唔穩，記性越嚟越差，又成日無拉拉頭痛，好鬼辛苦）。於是我就第一次跟我同學上館。

上到館之後，裝香，個感覺好舒服。開始以為喺心理作用，而且無我同學所講，比”嘢“跟，於是，為咗自己保持唔會比”嘢“跟，我就成日上去，但每次上親去，個感覺得真喺好舒服，而且個心定好多，好平靜，好舒服個種感覺，後嚟就經常上去裝香拜神。館嘅師兄以為我有問題，覺得我成日上去唔似一個正常嘅善信。事後諮詢過師傅，我身上有陰氣，魂魄不定。上到館有正神氣場又好，趕走咗D陰氣所以我有種好舒服好靜心嘅感覺。個時已經想入門。館D師兄話我喺高級善信，其實唔喺高級善信，喺有想入門嘅諗法已久，未一直定落嚟想幾時姐。

好榮幸終於喺前日入咗門成為恩師門下。講真，入門之後，覺得個身厚實咗，喺感覺得到，唔似以前咁好飄飄忽忽咁。好多謝師公大顯威顯，讓我入門一次過順順利利，成個過程除咗求僮之外，都無嘜感覺，刀個幾嘢喺有少少痛，不過一陣間就無事了，好多謝師公大顯威顯。

求僮個時，開始無幾耐我已經有感覺，但喺以為自己喺心理作用，腳底開始覺得痹，但唔喺完全痹，而且淨喺得左腳痹，我又一直以為喺心理作用，但我聽到話，嚟咗了，個時我心諗，嚇。。~~邊個啊，但應該唔喺架，（因為網上入門感想好多人都話全身又痹又無力）但我淨喺左小腳痹。呼吸亦都開始變咗，唔至於全身肌肉緊埋一齊。後嚟只手掌開始痹，我又以為喺心理作用，雖然呼吸變咗，因為我只手淨喺手掌痹，。。。之後馬上呼吸大變，我先至明白，原來我唔喺心理作用。每一次師公降僮，我左腳都有好明顯嘅感覺，由腳底傳上嚟，但始終都喺得個左腳小腿痹，成個求僮過程，有快有慢，比其他新入門弟子都要耐，多謝師公大顯威靈。求僮差唔多結束，左腳手掌開始放鬆，但不至於行唔到，或者全身肌肉緊張，我求完僮都唔喺覺得好累。有時上館裝香見到有D師兄姐求完僮好累，唔知喺咪因為我喺第一次呢。~~

多謝老師公大顯威靈。有幸地和茅山真心教結下緣份，順順利利咁入咗門，成為弟子。我一定會努力勤力修法，有時覺得入咗法門都喺一種修身同修心。舉頭三尺有神明，人在做天在看，師公睇住我地唔好行差踏錯。