FWTFWT

轉自香港弟子

今次家人逃呢一劫, 講真, 唔係我主動幫手, 直情師公都沒通知我, 最後係屋企人自己報料話要還神。新鮮到直情係今日話我知, 師公幫手.....我家姐個大女逃過了一次人生不能承受的沖擊。咁我問咩事啦!


我家姐個大女就正直十幾歲又好動咁, 成日心郁郁, 晚上要同的女仔朋友落下球場, 食下燒夜, 行下夜街先回家. 我家姐成日同我講, 叫我幫下手教下佢個女呀, 搵師父幫手之類...... 我話師公保你地平平安安重唔夠呀？你地每人都有一條師公符防身架播, 咁我家姐就成日一家大細帶的女上我度裝下香。

原來2星期左右, 有一晚.......佢個女同一個女仔朋友行街行到到晚上9點左左, 感覺極之疲累, 唔返屋企都唔得果隻, 要立即返去訓教!  於是就同朋友say goodbye啦. 就係咁返左去訓。平時唔玩到11,12點都唔會想回家的女仔, 無啦啦9點一定要返去訓下, 咁樣係從未試過既。

但古怪既事.......就發生左........  佢個女仔朋友........被人....強x左...真係唔知點打呢兩個字, 因為真係好慘, 而且唔係光彩既事, 唉..總之就係發生左。今日, 有警察沖左上我家姐屋企, 拉左屋企為一既男人, 即係我姐夫及外甥女回差館協助調查, 主要係查問我外甥女為什麼平時玩到半夜才會回家, 為什麼只係那一晚要9點返屋企訓, 點解咁巧合?!   而我姐夫又去左邊之類, 最後當然係去左開工啦, 當然又係放佢地走啦。


我家姐今日就打電話俾我, 佢問我係唔係師父幫佢地一家? 我話我真係完全唔知。不過我話如果係弟子的話, 有時師公會用唔同方法通知弟子有危險, 今次有呢個可能性.  最後我問家姐一個問題, 外甥女有無帶師公符, 佢話佢日日都帶係身, 不敢不帶.

師公好野! 全家沾恩!
多謝師父。多謝師公!