FWTFWT

香港弟子貼：


公司攪遊船河當日，有位女同事被一條泥鯭魚鰭刺到手指。當時佢只係感覺少少刺痛，但時間慢慢過去，佢手指嘅傷口越來越痛及瘀腫，再過多大約十五分鐘佢劇痛難當坐立不安。見個女同事咁辛苦，而且大家亦正考慮係咪應該送女同事入院之際，我醒起有個男同事一定可以幫到佢。

呢個男同事就係我以前有事求教於師父時，喺茅山所認識到嘅其中一個師兄。於是我替呢個女同事向師兄求助。但我見師兄決定幫個女同事之前，佢好嚴肅鄭重咁先問女同事信唔信茅山功夫？女同事亦好誠懇話相信，之後師兄考慮咗一陣決定出手幫佢，為咗唔想咁張揚，師兄去咗船尾無人騷擾到嘅位置寫法水，然後師兄再攞著杯法水番去俾個女同事飲同埋浸洗傷口，再叫個女同事坐埋一邊唞下。


我同師兄就返去繼續玩喇…大約五分鐘後，我見個女同事若無其事，好鬆容咁踎喺度繼續玩其他同事釣返嚟嘅魚。於是我好奇問佢做乜唔唞下？佢竟然話已經冇乜事，唔係好覺得痛喇。果然犀利！

又一次見識到神功幫助善信嘅機會。

再次多謝師公娘娘，師父扶持~

大顯威靈！萬無一失！大吉大昌！